【頭條獨家】唔帶口罩綵排舞台劇陳志雲讚亞視林文龍有創意

2020-02-06 22:00

最近TVB、ATV人事變動，TVB董事局主席陳國強退下火線；藝員林文龍就華麗轉身出任亞視副總裁！曾經係TVB總經理嘅陳志雲(Stephen)梗係有留意，他笑說：「最估唔到林文龍對呢方面感興趣，佢第一炮搞得幾好，正當個個喺疫情下唔敢搞新春團拜時，由佢帶領亞視去做，至少有好多傳媒報道！」不過，陳志雲最關注嘅，當然係他跟區嘉雯、倪秉郎主演嘅舞台劇《生死裁決》，能否如期喺2月13至23日於西九文化區藝術公園上演，因為要到公演前一刻先通知，十分被動。採訪：方騫平

由於場地問題，《生死裁決》能否如期演出，還有待定決！不過，陳志雲採取審慎樂觀態度，台前幕後如常進行最後排練：「因應疫情，暫時閉館到2月9號，正常我哋喺10號入景，𠵱家都未被通知下一步會點。問到會否怕於密閉空間演出有風險？陳志雲覺得最重要大家都冇返過內地，而觀眾席跟演員都有段距離：「平日我都冇戴口罩排戲。」另外，有場戲講『小三』區嘉雯喪鬧我『懶仁慈』，如果佢有武漢肺炎，係咁對住我噴口水，咁我一定中招！不過，呢個角色好似我，尤其係好心做壞事變咗賴嘢位，所以愈演愈真，相當投入。」

對於陳國強辭任TVB董事局主席退休，陳志雲相信架構及主要做執行人都變定咗，TVB唔會變天，不過，他提示一吓：「唔係踩TVB，𠵱家文化同風氣係冇大台，不論任何工作崗位唔會我叻晒，我大晒，我得晒！唔係你死我活，一定係要共存共融先得，要互補不足，如果按以前思維做嘢，船會慢慢沉，但又唔會墮得太快，始終爛船都有三分釘！」另外，他又大讚林文龍閉關亞視5個月，重整旗鼓做法好唔錯，同他諗法相同，至少大家會有期待。