【头条独家】唔带口罩彩排舞台剧陈志云赞亚视林文龙有创意

2020-02-06 22:00

最近TVB、ATV人事变动，TVB董事局主席陈国强退下火线；艺员林文龙就华丽转身出任亚视副总裁！曾经系TVB总经理嘅陈志云(Stephen)梗系有留意，他笑说：「最估唔到林文龙对呢方面感兴趣，佢第一炮搞得几好，正当个个喺疫情下唔敢搞新春团拜时，由佢带领亚视去做，至少有好多传媒报道！」不过，陈志云最关注嘅，当然系他跟区嘉雯、倪秉郎主演嘅舞台剧《生死裁决》，能否如期喺2月13至23日于西九文化区艺术公园上演，因为要到公演前一刻先通知，十分被动。采访：方骞平

由于场地问题，《生死裁决》能否如期演出，还有待定决！不过，陈志云采取审慎乐观态度，台前幕后如常进行最后排练：「因应疫情，暂时闭馆到2月9号，正常我哋喺10号入景，𠵱家都未被通知下一步会点。问到会否怕于密闭空间演出有风险？陈志云觉得最重要大家都冇返过内地，而观众席跟演员都有段距离：「平日我都冇戴口罩排戏。」另外，有场戏讲『小三』区嘉雯丧闹我『懒仁慈』，如果佢有武汉肺炎，系咁对住我喷口水，咁我一定中招！不过，呢个角色好似我，尤其系好心做坏事变咗赖嘢位，所以愈演愈真，相当投入。」

对于陈国强辞任TVB董事局主席退休，陈志云相信架构及主要做执行人都变定咗，TVB唔会变天，不过，他提示一吓：「唔系踩TVB，𠵱家文化同风气系冇大台，不论任何工作岗位唔会我叻晒，我大晒，我得晒！唔系你死我活，一定系要共存共融先得，要互补不足，如果按以前思维做嘢，船会慢慢沉，但又唔会堕得太快，始终烂船都有三分钉！」另外，他又大赞林文龙闭关亚视5个月，重整旗鼓做法好唔错，同他谂法相同，至少大家会有期待。