【維港會】港媽「捉精靈」留6歲女在車打開門 被轟「離晒譜」

照顧小朋友真的「睇少眼」都不可以。近日有網民在社文專頁Facebook分享一件事，指日前晚上路經一個公園時，發現一位小朋友在車內喊，但附近不見其爸媽蹤影，詢問下，小妹妹稱「媽媽去咗捉精靈」，當時車門打開，該名事主則決定陪女童至其媽媽回來，事主稱，當日等了近30分鐘，終於等到女童媽媽出現，事後他便離開。不少網民對事件感驚訝，炮轟該名母親「不負責任」、「妄顧女兒安全」，斥「捉精靈仲緊要個女?」。事主指，分享事件是指不希望再有同類事件發生，又指「萬一有意外就後悔莫及」。

網民「黄湯米」在「Tai Po 大埔」Facebook專頁講述事件，指當晚6時許，路經翠樂街公園，發現一名小妹妹在車內「係咁喊」，他說，「架車中門係開咗冇司機，我一直睇住，過一陣我行過去問小妹妹爸爸媽媽去咗邊同幾多歲，佢答我6歲半，佢話媽媽去咗捉精靈，我心跟住講粗囗，有冇搞錯呀，咁都得。」事後他決定與小妹妹傾計，直到她不哭，又陪伴小妹妹至其媽媽回來。事主稱，「過咗30分鐘佢媽媽就出現，我跟住就走了，我希望依位媽媽唔好再係咁，萬一有意外就後悔莫及。」

網民紛紛留言指該名媽媽「太過分」、「大安旨意」、「點做父母架」、「捉精靈仲緊要個女」、「離晒譜」。更有網民指應該即時報警，「比個教訓個媽媽」。