扮戀人忍唔住爆笑 馮允謙黃淑蔓愛火星文溝通

馮允謙（Jay）新歌《尋找白金漢》最近在多個流行榜中奪得冠軍，公司特別安排年紀雖然比他小，但較他早加入公司的小師姐黃淑蔓 （Feanna）來一個聖誕合唱版《尋找白金漢之You're My Buckingham》。
鏡頭前，導演要求二人四目交投、深情對望，鏡頭後就笑聲此起彼落，事關他們太熟絡，要扮情深戀人實在不容易。Jay笑說：「我唔想Feanna喺度，佢一望我就會忍唔住笑！」同樣地Feanna每次定神望Jay也連場爆笑，直至視線離開對方，背向對方望左望右才可以冷靜下來，非常誇張。Feanna說：「我同Jay太熟了，私下經常聯絡，不過佢唔識中文，所以我哋平常喺手機會用火星文溝通，我用廣東話拼音嘅英文字，但佢就用英文拼音，例如我寫GMG即係『知唔知』，又例如『你』字，我用nei 佢就用nay，雖然各有各寫法但溝通到，而且啲對話拼埋一齊好得意，旁邊人未必睇得明，但我哋習慣咗就明，仲打得好快。」

今次合唱聖誕版，Jay非常感謝Feanna，他視為聖誕禮物。他開心地說：「好多謝Feanna送咗一份咁好嘅聖誕節禮物畀我，我喺故事裏本來只係一個單身漢，有佢加入，一雙一對，個故事就完美啦！」Feanna卻佻皮地說：「可惜歌詞話我要你等10年，至肯安定落嚟返你身邊。」被問到若真有如此情深男士痴心守候，Feanna會否仍然决意撇下對方出去闖蕩？她說：「如果有個男仔咁鍾意我，我會好感動，不過我依家得18歲，咁細個，當然要先完成學業見識過世界之後，至會安定落嚟組織家庭。」