開相展宣傳自家潮牌　Heidi＠SG恨搞時裝騷

組合Super Girls成員李靜儀（Heidi）繼去年跟潮牌合作，推出個人品牌「Be True To Yourself（B.T.T.Y.）」後，今年再度推出自家品牌服裝，她不但打造屬於自己的廣告歌《Be True》，同時又跟攝影師好友Kenneth Deng合作，拍攝了以「朝花夕拾」為主題的靚相。日前服裝正式推出，Heidi親自到位於尖沙咀的潮店打點，更於潮店內舉行相展，吸引了半百粉絲及好友前來「潮聖」，其中包括SG隊長趙慧珊、麥子樂等、場面墟冚！

對於品牌推出第二年已獲很多人支持，Heidi直言非常開心，故今年特別舉行相展，她表示︰「品牌成績不錯，去年好多人支持，所以今年特別搞相展畀大家睇，好開心有咁多人嚟支持，所以我特別製造小禮物送畀現場朋友，做咗一本小冊子，有品牌靈感同埋影嘅一啲靚相，畀大家做個留念。」Heidi又希望將來能搞自己的時裝騷。