【頭條獨家】幫襯街邊檔買聖誕襪上山詩鈉夢遊式行街

2019-12-19 17:55

55歲嘅上山詩鈉同好多圈中人好Friend，加上有個星二代索女Hilary，所以唔算娛圈中人嘅上山出鏡率好高。上周五，戴咗大黑超嘅上山去咗中環石板街買聖誕裝飾，見佢情傾聖誕襪仔，揀咗一陣就入手一對，買完嘢佢仍然喺附近行，但感覺佢唔係好知自己去邊，夢遊咁樣。採訪:李權威

上山詩鈉嘅22歲囡囡Hilary話咁快大學畢業，兩母女感情好好，經常行孖咇，身高163cm嘅Hilary對入娛樂圈有保留，只偶爾擔任時裝品牌模特兒，她去年在波士頓大學（Boston University）畢業，修讀公關與市場學，曾在受訪中直言未來最想投身event planning等幕後工作，Hilary已回港仲返緊工，所以無乜時間陪阿媽四圍去。

啲襪好靚呀
當日下晝三點，上山去咗米芝蓮名店一樂食燒味，見佢同老闆好好傾，明顯係熟客，快食半粒鐘就離開，然後行去燒味店旁的文具舖，岳高頭望吓啲聖誕裝飾，如掛聖誕樹嘅波波，又有聖誕屋擺設，全部都好靚好花多眼亂，上山睇咗幾分鐘無幫襯然後行去石板街繼續揀，半條石板街都放滿聖誕裝飾令購物意慾大增，上山睇中聖誕襪，因為有好多款，佢揀咗一陣，要鹿仔公仔定雪人公仔好呢?一對買晒都唔使50蚊，即畀啦。買完佢又繼續望多陣，之後佢好似唔知自己去邊，行左又行右夢遊咁。