【头条独家】帮衬街边档买圣诞袜上山诗钠梦游式行街

2019-12-19 17:55

55岁嘅上山诗钠同好多圈中人好Friend，加上有个星二代索女Hilary，所以唔算娱圈中人嘅上山出镜率好高。上周五，戴咗大黑超嘅上山去咗中环石板街买圣诞装饰，见佢情倾圣诞袜仔，拣咗一阵就入手一对，买完嘢佢仍然喺附近行，但感觉佢唔系好知自己去边，梦游咁样。采访:李权威

上山诗钠嘅22岁囡囡Hilary话咁快大学毕业，两母女感情好好，经常行孖咇，身高163cm嘅Hilary对入娱乐圈有保留，只偶尔担任时装品牌模特儿，她去年在波士顿大学（Boston University）毕业，修读公关与市场学，曾在受访中直言未来最想投身event planning等幕后工作，Hilary已回港仲返紧工，所以无乜时间陪阿妈四围去。

啲袜好靓呀
当日下昼三点，上山去咗米芝莲名店一乐食烧味，见佢同老板好好倾，明显系熟客，快食半粒钟就离开，然后行去烧味店旁的文具铺，岳高头望吓啲圣诞装饰，如挂圣诞树嘅波波，又有圣诞屋摆设，全部都好靓好花多眼乱，上山睇咗几分钟无帮衬然后行去石板街继续拣，半条石板街都放满圣诞装饰令购物意欲大增，上山睇中圣诞袜，因为有好多款，佢拣咗一阵，要鹿仔公仔定雪人公仔好呢?一对买晒都唔使50蚊，即畀啦。买完佢又继续望多阵，之后佢好似唔知自己去边，行左又行右梦游咁。