接妻女出院自爆已親手換尿片 周柏豪：要開始搵奶粉錢

初為人父的周柏豪中午陪太太和剛出世女兒離開醫院，柏豪太太戴口罩冷帽和大褸保暖，BB女也包上厚被擋風由嫲嫲抱。
柏豪透露已親手幫囡囡換了3次尿片，感覺都舒服，開始習慣當爸爸，但仍未為囡囡改名，暫時叫乳名「囡囡」。柏豪稱請了一星期假之前在醫院陪太太和囡囡，笑指雖然有贊助但也要開始搵奶粉錢。
柏豪於本月4日透過經理人公司向傳媒公佈囡囡出世喜訊，並發放住囡囡的冧爆樣。