再爆與唐詩詠約會　陳思銘否認：我哋好耐冇見

唐詩詠緋聞男友陳思銘出席升學分享會時，被問到早前再爆出二人約會的相片，他解釋是舊相：「冬天相片喎，係好早之前嘅事，出新聞時我正喺英國拍節目，大家已經好耐冇見喇，依家男同事、女同事都好避忌，我就快冇朋友喇。」

陳思銘提到媽咪亦擔心他因緋聞難找對象，問媽咪可有懷疑他與詩詠的緋聞？他說：「唔會，因為媽咪係最了解我嘅，我同媽咪係一齊住。（之前傳你同詩詠同居？）解釋都冇意思，冇必要讓新聞發酵。（媽咪喜歡詩詠？）媽咪鍾意睇詩詠嘅演出。」問到學生可有八卦其感情事？他笑道：「學生嘅媽咪會問，但大家見到我星期一到六都喺公司，每晚都8、9點下班，又點會有女仔鍾意我呀？」