新片演母子 顧美華睇好馬浚偉攞影帝

由馬浚偉（馬仔）自導、自演兼編劇電影《生前約死後》舉行首映禮，一眾演員顧美華、余香凝及黃定謙等出席。戲中扮演馬浚偉媽媽的顧美華，表示睇該片優先場後，認為馬仔一定奪得金像獎的「最佳男主角」。馬浚偉笑言在媽媽眼中一定得獎已經很開心，希望能夠成真。他說：「我就可以同地上的媽媽同天上的媽媽，講句我得咗啦！仲有我都好想得到「新晉導演獎」。

談到香港社會氣氛不佳，可會擔心票房？馬仔坦言一定有影響，但喜歡睇的觀眾會入場，該片為港產片，希望大家支持本土電影。問到可會包場請朋友入場睇戲，他表示經已叫朋友及家人自行買票入場，覺得這樣才是真正支持；又謂優先場反應的很好，不止女觀眾睇完喊，連男觀眾喊到衫都濕埋，顧美華則謂聽到好多摷紙巾的聲音。