《解決師》Sad Ending 唐詩詠最後告白觀眾傷心落淚

王浩信與唐詩詠在《解決師》再演情侶，二人在《不懂撒嬌的女人》未能開花結果，今次被視為「再續情緣」，但在昨晚出的大結果，二人今次不單不能在一起，還要是死別，尤其看到唐詩詠演的Jovy給O最後告白片段，觀眾睇到爆喊。
Jovy在上一集死過翻生，O跟Man Sir（張頴康飾）最後對決，兩敗俱傷奄奄一息之際，O才得知Jovy被Man Sir設陷阱中蓖麻毒，但一切為時已晚。
最淒美是O兩個月後甦醒，得知Jovy終難逃一死，Jovy於離別前給他拍片作最後告白，觀眾跟O一齊邊看邊傷心落淚。
網民留言「又BAD ENDING，Saving Cherry已經一直令我接受不到。下次可否有超級SWEET的給他們一起」、「點解？！點解佢哋冇辦法喺埋一齊？點解？！」、「Ending好Sad！Chloe死咗，依家連Jovy都死埋，唔通曾經身為一個解決師就注定要做個孤獨終老嘅『天煞孤星』？」、「唐詩詠演得好好，我睇到爆喊」。