望明年開個人音樂會 鄭世豪稱有頒獎禮一定會去坐
2019-11-22 17:00 
鄭世豪到電台為新歌《等得太久》作宣傳，被問到歌名是否他心中的想法時，他直言：「同自己等開個人音樂會嘅心情一樣，希望唔使等太耐，因為明年仲會推出3首新歌，如果開到音樂會就覺得圓滿喇。」這首新歌是他將最愛的歌手彭羚的歌曲重唱，他解釋因為好鍾意彭羚唱得夠投入，更大讚她的歌唱技巧和感情都很完美，不能找到錯處。
再問他怕不怕外界將兩個版本作比較？他續說：「都驚㗎，翻唱呢首歌真係有壓力，所以同監製要求，希望可以唱出自己嘅風格，令人覺得對比唔會太大，壓力就冇咁大，所以編曲出嚟嘅效果同彭羚原來版本係兩回事。問到年尾可會出席音樂頒獎禮？他表示如果有頒獎禮邀請他的話，他一定會去坐，每年心態都是去坐下。而今年少了兩個頒獎禮會感可惜嗎？他說：「可惜吖，歌手出完歌後，出席頒獎禮係總結，喺頒獎禮又可以同朋友仔Say Hi！」
關鍵字
最新回應