挑戰10公里賽跑 J.Arie負傷跑畢全程

J.Arie（雷深如）今年9月推出第一首一手統籌的歌曲《風雨花》，亦有幸在10月唱了第一套電視劇主題曲，至11月更獲邀演繹第一套電影《獅子山上》的主題曲。2019年她獻出了多個「第一次」，所以運動零細胞的她，決定在11月4日生日前，挑戰人生第一個10公里跑步賽!

最搞笑是，她打算先跑11月2日的5公里賽，豈料凌晨4點半起身去迪士尼時，才發現自己忘記報名，真係超無奈！但佢終於都能趕及參加10公里賽，仲遇到C All Star的安仔、釗鋒、馮允謙、李拾壹和Nowhere  Boys主音Van Chan。

J.Arie由9月開始練跑，可惜練到10月尾卻扭親左腳腳跟，她說：「佢哋知道我跑得唔會太快，成班人居然就我、等埋我一齊跑晒全程，佢哋咁照顧我，真係好多謝佢哋！」

J.Arie續說：「今日跑步基本上係單腳跑，跛吓跛吓咁跑10公里，都算係我人生一個奇蹟！」提到今年的生日願望，她希望明年有更多機會，推出自己創作的歌曲和唱live show，亦希望與其他歌手有更多crossover的機會，她說：「期望有更加多可能性嘅發生！」