澄清同老公感情冇問題 雯雯撐Steven已改變

張致恆（Steven）自7月宣佈與fans雯雯結婚，即爆發一連串情史風波，Steven更被指一腳踏幾船，幸好最後兩人都修成正果，仲有埋個得意B仔張天寶，一家三口樂也融融，令大家都認為Steven真係做番個負責任嘅男人。豈料雯雯昨晚凌晨在IG的限時動態寫了一段話：「有啲嘢如果失望咗，就冇可能再彌補到，亦冇可能再返轉頭。」似有啲嘢喎！

當大家都好擔心係咪關Steven事時，雯雯便作出澄清，她在IG貼文：「收到好多認識同唔認識嘅人inbox同msg我...多謝大家關心！其實我尋日story只係聽完朋友分享佢故事，之後有感而發所以打出嚟。我同我老公感情冇問題，我哋好好，佢𠵱家好努力為家庭而去改變，佢好努力唔同方面嘅工作，每日除咗工作就係照顧小朋友，我身體唔好，佢工作完，凌晨都係佢照顧bb，我喺度只係想講唔係一個人衰過就永遠都係衰嘅！人係會改變嘅。」她希望下次再開post講好消息的時候，大家會替她開心和祝福她。