J.Arie車牌考足11年終於Pass 被網民笑「公路炸彈」

J.Arie（雷深如）由18歲開始學車及考筆試，在11年後終於成功，令她激動得直言，「知道合格嗰一刻，由考試reception尖叫大嗌到跑出去搵教車師傅Jason，再原地跳甩頭咗10秒。」

J.Arie昨晚在社交媒體上發文，指「香港嘅交通安全以後靠我啦，6年內，考咗3次路試，18歲已經考咗筆試，正式嚟講搞咗11年：終於考到車啦救命。知道合格嗰一刻，由考試reception尖叫大嗌到跑出去搵教車師傅Jason，再原地跳甩頭咗10秒。」她又指，自己是一名冥頑不靈的學生，並感謝學車師傅的悉心教導，又笑言「由我完全冇信心呢一世會有機會考到車，去到我可以帶著少少信心淡定去考試。我都考到，呢個世界都真係冇乜人會考唔到囉！以後我去邊區話定畀大家知呀吓，等你哋可以，撞吓我。」

不少網民其後紛紛留言，並笑言她是「公路炸彈」、「麻煩以後出車，請預先提供行駛路線... 多謝合作😁」等，亦有人指「同我當年一樣，搞咗幾年先考到。 嗱❗妳講架❗ 去邊區出聲呀❗」、「你係車裝個大喇叭，一路揸車一路唱」等。