陪兒子開萬聖節派對 張栢芝被喪屍妹妹嚇親

張栢芝獨力照顧三名兒子都幾吃力，但她幾忙都好，嚟到萬聖節呢個咁好玩嘅節日，點都要陪小朋友玩吓。佢仲約埋成班小朋友同仔仔一齊開party，而每個小朋友都發揮創意，要幾恐怖有幾恐怖，其中一位小妹妹仲扮喪屍行catwalk，無論造型、化妝同動作都極神似，栢芝見到都話驚，她貼文：「其實在現場看到真的有害怕的，太入神了！」而栢芝為融入現場氣氛，她也裝扮被菜刀斬頭和較剪插頭，再在面上搽「血漬」都頗為認真，之後仲扮被一眾「鬼怪」嚇親，真係一個好玩得嘅媽咪！