大仔整親腳嚇餐死 張栢芝拍片教湊仔

張栢芝自與謝霆鋒離婚後，一直獨力撫養兒子Lucas和Quintus，並在去年秘密誕下「小王子」（Marcus）。近日網傳Lucas不滿謝霆鋒，埋怨父子少見面。事後霆鋒經理人霍汶希直斥報道無中生有，對假新聞表示不作回應。而今日凌晨張栢芝在ig上載兒子整親腳的相，要戴護膝又要撐拐杖，看來有點嚴重，她留言：「打籃球整傷隻腳，嚇死我了，希望他乖乖的帶着他（護膝），今天看完醫生，醫生說起碼要帶着他（護膝）六個星期，傷在你身痛在媽媽心！（受傷的時候睇中醫結果還是看西醫，雙重保險安全點）醫生說如果他乖乖的保護着就應該冇問題，真係嚇死我了！」

栢芝跟着拍片給天下媽媽一個溫馨提示，她語重心長地說：「今日睇完醫生好想同大家母親一個溫馨嘅分享，小朋友有時喺學校sports day或者上運動堂，可能有少少碰碰撞撞跌親，話畀媽咪聽有啲痛，佢哋都唔係好發覺（係咩事），咁我哋亦都唔好忽視，當初佢整親我帶佢睇咗中醫，睇完後佢仲話有啲痛，但睇落好似好normal咁，跟住再擔心啲，結果帶佢睇磁力共振，再睇埋x-ray，原來好多眼睇唔到入面係有，仲有佢都持續話痛就唔好忽視，呢個係我個人分享同經驗。」