兩戲角色極端快精神病 衛詩雅憂操完大隻演弱女不符

衛詩雅身穿露肩晚裝現身沙田馬場舉行的活動，詩雅甫見記者即舉起臂彎晒「老鼠仔」，原來她為新戲操練體形。
詩雅興奮說：「覺唔䑁得我健碩了？因為新戲的角色是講逑我很健碩很fit，原本導演叫我唔使操，話著衫都遮晒睇唔到『手瓜』，但夥拍的是一眾超級大隻猛男，所以我唔輸得，加上我係要求真實的演員，所以一個月前就找了一位在比賽奪得總冠軍的魔鬼教練，每隔一日就上堂；不過前一晚照鏡時又覺得太健碩，擔心今日著晚裝會唔好睇，教練就安慰我話唔會喇！」由於瘋狂勁操，詩雅稱早前有點頂唔順差點病倒，因睡眠不足，又沒有注意飲食應付突然的大運動量，幸好現在已調整過來了。
不過，詩雅又要面對另一個問題，事緣另一部新戲要扮演弱質纖纖的女仔，暫時未知那一部戲開先，怕練得太大隻與另一個角色不符，因此都不知是否應該繼續操練，笑言兩個角色人物咁極端，就快有精神病，但明白當演員就是這樣的。