與粉絲慶祝「第二個 18 歲生日」 鄧麗欣被催婚：我已經飽歷風霜

鄧麗欣（Stephy）今天36 歲正日生日，而早前歌迷會一班粉絲就為她舉行生日會，慶祝偶像「第二個 18 歲生日」。粉絲們除了送上親手炮製的生日蛋糕外，更與壽星女大玩「估歌仔」、「歌詞接龍」等集體遊戲，不少忠實歌迷擁有驚人記憶力，對 Stephy 的多首金曲倒背如流，令她驚訝不已。

問到正日是否與男友邱勝翊（王子）度過？Stephy笑言：「冇啦，今年佢要做嘢，我唔知佢係咪講大話啦？哈哈，應該唔係嘅，佢真係去咗第到做嘢，冇所謂啦。」

歌迷們關心Stephy的工作近況之外，更為她的人生大事著急，乘勢追問她與男友的婚期，令她哭笑不得。對於被粉絲連番催婚，Stephy 笑說：「我懷疑佢哋係臥底嚟，今日好多粉絲都無端端好官腔咁問我幾時結婚？我已經飽歷風霜，呢個問題已經畀人問咗10年，我已習慣咗，所以當聽唔到，哈哈。」