歐錦棠邀再合作落足嘴頭 文頌嫻獲讚沒走樣喼得好

歐錦棠、文頌嫻、談善言、MIRROR成員Anson Kong（江熚生）等出席ViuTv新劇《打天下》開鏡拜神儀式，10年未有參與香港劇集的文頌嫻，笑言跟歐錦棠自從《烈火雄心》合作後，相隔17年今次再度合作，大爆對方致電邀請她演出時首先互相問候，又讚她沒有走樣保持得好。她說：「我好榮幸他諗起我，女兒係我老闆，她ok就得啦！我開工時她無枉管，原來她最想我復出嗰個。老公無詐型，搞得掂屋企就得。」談到戲中扮演歐錦棠的師妹，文頌嫻表示獲安排有少少功夫甫士，若需要演出空手道戲份也不介意。酬勞方面，她坦言合理，只講心。在旁的歐錦棠即謂不會安排夜班，又認為家庭緊要。

為該劇擔任監製、動作指導兼演出的歐錦棠，表示親自教導談善言打空手道，雖然由零開始，但對方有天份，能夠做出好多高難度動作，更認為可以出賽，亦能夠考級別試。
談善言則謙稱天生筋骨比較軟，但為了演出需要學兩種空手道，其中一種埋身肉博，不過認為最難是棠哥不想她用替身，要她親自從上陣，今次算是首次拍打戲，並會跟真正的空手道選手對打。她說：「真正選手打慣，我可以在現場問返他們，如果打親我唔緊要，最怕我打親人，呢個係心理關口。」她又謂第二日開工拍攝與師父對打，搞到大髀瘀青。
Anson Kong透露戲中跟跟談善言有不少對手戲，當中有感情線。問到可有親熱鏡頭？他即面都紅埋，自言好怕醜，自從參與《全民造星》後，一直跟一班男生合作，見得最多女性是花姐，又謂寧願被摑好過要拍錫戲。