抱恙獲提議咪嘴 泳兒唔想一講嘢穿崩

陳柏宇、泳兒與組合MIRROR等為東華慈善晚會擔任表演嘉賓，柏宇表示經常跟太太有小拗撬，爭辯甚麼東西較適合女兒。他笑道：「小拗撬有時會贏，大拗撬就唔拗㗎喇！」他笑言不時試試老婆底線，一有機會就會踏前一步，大前提是不要蝕底。
泳兒抱恙獻唱，大會貼心地提議她咪嘴，但她說：「唔想觀眾聽嘅時候把聲好靚，但一講嘢就知重感冒。」將於10月開騷的她希望盡快病好，以便投入綵排。至於師姐容祖兒紅館騷後弄傷膝頭，泳兒說：「做歌手真係瞓身演出，頂硬上，相比之下我係好小事，祖兒係好好嘅學習對象，希望佢早日康復。」