泰迪羅賓讚遺傳肥姐基因 欣宜唱得演得恨演八婆

泰迪羅賓（Teddy Robin）主持的香港開電視節目《點指Bang Bang》將於周日（15日）首播，首集Teddy請來鄭欣宜擔任「頭炮」嘉賓，二人年齡雖然相差逾40載，但毫無代溝，無所不談。
Teddy表示欣宜媽媽沈殿霞（肥姐）很喜歡他的歌聲，而且很愛錫他，又大讚欣宜遺傳了媽媽得天獨厚的基因，既唱得又演得，成為兩棲藝人。欣宜聞言表示十分感動：「在音樂方面，有很多類型嘅歌都想嘗試，我喜歡模仿，記得12歲左右，看到張惠妹演唱會嘅鐳射影碟後，有種好奇怪嘅感覺，雖然唔明白唱緊乜，但就感動到想喊，於是我就模仿佢唱歌，亦啟發咗我對唱歌嘅興趣同鑽研。」
提到演戲路上，欣宜透露08年拍攝她首個處境劇，屈指一算拍戲超過10年，她自言最希望嘗試演奸角或八婆角色，「因為覺得自己會做得入型入格」！欣宜坦言至今還是對自己的外表有點不安全感，問到最希望跟哪位藝人合作？她即說：「太多喇，我好欣賞Deanie姐（葉德嫻），佢演每一個角色，當你睇嘅時候唔會覺得佢係Deanie姐，睇《桃姐》覺得佢就係桃姐，真係入型入格，所以好希望同佢合作。」