蔡一傑10月開個人騷：唔會唱草蜢嘅歌

日前蔡一傑作客TVB娛樂新聞台節目《StarTalk》，接受主播許文軒專訪，大談首度開個人音樂會感受。他說：「今次係個人騷，唔會唱草蜢嘅歌，如果又係唱草蜢嘅歌，不如同草蜢開演唱會好過啦！」

蔡一傑事先張揚會在音樂會上翻唱女歌手的歌曲，他說：「開頭唔想唱師傅梅艷芳嘅歌，因為每次唱佢嘅歌，都有好多同佢回憶出現，好似走埠登台、做演唱會、食飯傾心事等，我會跌入去一個傷感嘅狀況，好怕哭成淚人，我一喊就唱唔到歌，成日都過唔到呢關，依家林珊珊同我監製都說服我試吓，希望可以克服到。」

提到經理人林珊珊時，他說：「 要佢唱歌都有少少難度，我曾經叫過佢唱㗎，不過佢成日耍我，話咪玩啦，仲有好多嘢做。而我同佢成日都會唱卡拉OK，佢仲會拎住支咪狂唱，反而我搶唔到支咪添，如果大家想聽佢唱歌，唔知係咪時候，但不如大家集氣啦。」