孖老公羅仲謙齊慶生扑爆蛋糕 楊怡興奮：有得玩有得食

羅仲謙昨日生日，正式踏入35歲，而老婆楊怡原來明天生日，踏入四字頭。兩公婆決定齊齊慶祝，搞生日派對，孖住開心過生日。兩位壽星仔獲好友送上4個大蛋糕，其中2個更是近期Hit爆的「扑爆」糖果蛋糕。

二人笑到「四萬咁口」，一齊用木棍扑爆蛋糕外層，內藏滿滿的糖果多到瀉。楊怡和羅仲謙更穿上白色情侶裝，咀嘴晒恩愛，甜到漏！楊怡之後在社交網發相及留言：「有得睇，有得食，有得玩，有得攞！滿載而歸，Thx my dear family &Friends，感恩♥繼續開開心心♥」不少粉絲留言祝賀，更希望他們願望成真，快快有更好消息宣布。