當草蜢34年首開個人音樂會 蔡一傑呻揀歌最頭痛

蔡一傑在當了34年草蜢成員後，今年終於如願以償，將於10月26至28日在灣仔伊館舉行首次個人音樂會。
早前傑仔為音樂會拍海報，穿上白色型仔西裝的他心情興奮，好不風騷。他表示年初已開始籌備音樂會，除了個人心水作品，還會唱其他歌手的歌曲，並特別有一個環節專攻女歌手作品。他說：「最頭痛係歌單，年初開始揀歌，到依家都未落實晒，想唱嘅歌太多。雖然有歌迷話想我成個騷都唱自己歌，但我就想有新鮮感，所以一半自己歌一半人哋嘅歌，仲有一Part唱女仔歌。」
今次音樂會名為「Onederful」，傑仔透露固中玄機：「今次係我第一次一個人開音樂會、我嘅第一首日語歌叫《One》、我個名又有個『一』字，所以就設計咗『Onederful』呢個字！」問傑仔若手上只有一張門票，他會邀請誰做座上客呢？他二話不說就選了經理人林珊珊，說：「我開騷林珊珊一定好忙周圍走，我好想佢坐定定，喺觀眾席享受我嘅Show！」