拍旅遊節目日食5杯雪糕唔怕肥 黃紫盈笑言「出名為食」

前無綫新聞小花黃紫盈自家製作網上節目《盈遊-好想飛》，日前到日本拍攝，體驗新興旅行方式「Glamping 」glamorous camping豪華露營，戶外有帳篷和營火，但是跟傳統露營不同的地方是有酒店式服務，帳篷亦有冷氣雪櫃等設備，省心又舒適。

為了靚靚示人，黃紫盈每日都穿上花裙亮相，她說最開心可以任食雪糕，更笑言自己「出名為食」，加上天氣熱，雪糕融得快。她說，「為配合拍攝，我一日食咗5杯雪糕，勁滿足。我八卦問吓其中一位服務員，見過食得最多雪糕嘅客人可以一日食幾多杯？佢話遇過一位客人一日食咗18杯，我同隊Crew聽完都覺得驚訝，無人能夠成功挑戰，甘拜下風。」

黃紫盈亦有到日本三景之一的天橋立取景，更不顧儀態做「天橋立」，彎腰從胯下望風景。她說，「 呢個係到訪天橋立嘅指定動作，從倒轉角度，就可以見到沙洲猶如一條往天上斜伸而去嘅橋樑」。