被內地網民質疑博翻身 阮民安：我愛人民幣但更愛香港

《逃犯條例》修訂風波不斷，連月來爆發多次警民衝突，社會氣氛緊張。藝人阮民安(Tommy)昨晚在網上發文，指自己近日被網民質疑他想借支持抗爭來博翻身，他直言「我愛人民幣，但我更愛香港」。

Tommy在Ｆａｃｅｂｏｏｋ發長文，並以「我很窮，我愛人民幣，但我更愛香港」為題。他指，市民知道他支持抗爭運動後，對他很好，但同時亦有另一種聲音，揶揄他想靠今次博翻身，並有人指他「佢都無野輸，有咩所謂，佢連搵大陸錢嘅資格都無呀！」他又指，由於認為是次支持運動的重點，並非在自己的感受上，因此一直未有理會相關評論，繼續發聲及身體力行支持。然而，他續指，直至近日突然有大批大陸網民不停在其Facebook截圖，並在其老婆Eva的微博上，留言指責二人支持港獨，並攻擊他們。

他續指，Eva在微博有約25萬人follow，並指一直在內地亦有不少工作，並指「我哋自己第一次投資，EVA嘅自家品牌就會喺東京Laforet正式發佈，之後就會全世界發行，而最大嘅入貨地區一定喺大陸，而我地喺大陸處理品牌發行嘅負責人，係一個大陸最大嘅時裝公司高層（佢公司係帶頭將Undercover全國下架），我地喺大陸嘅Backup其實好好！而因為我上年開始做返好多幕前工作，佢已經話要幫我安排上大陸嘅綜藝節目，發展下，賺下錢！但就唔好喺件事上面表任何態啦，以一個大家認為想翻身嘅我，理應乖乖收聲，甚至表態愛國！」

他直言，「您地估下我知唔知道高調發聲後將會損失D咩？我可能會失去一個龐大嘅大陸市場。咁點解我要咁做？可能係蠢...但其實，係良知！香港依家發生咁大件不公平不公義嘅事，要我為左（咗）賺錢而選擇扮不見不聞，甚至跪低表態愛國，支持警察打香港人，做什麼護旗手，對唔住，我做唔到！」他亦指，「雞蛋與高牆，我一定喺雞蛋呢邊！！！」