強忍喪父之痛演出 衛駿輝：每場都覺得佢喺度守護我

鳳翔鴻劇團製作的新編粵劇《木蘭傳說》於西九戲曲中心完成20場演出，衛駿輝、梁兆明、阮兆輝、李沛妍、謝曉瑩等昨晚齊出席慶功宴。衛駿輝直言很不捨得，因現時的粵劇很難一套戲做20場，其中15場屬團體包場，因今次題材是宣揚世界和平，又有VR立體投影，深得觀眾喜歡。幾年前開始製作新戲劇的衛駿輝，直言要破除粵劇傳統遇到好多困難，今次因為有科技幫助解決換布景的時間問題，令全劇可以在兩個半小時內完成，晚上10點便散場，原來觀眾好接受，所以未來都會繼續此模式演出。
另外，衛駿輝的長期病患父親於她演出前3日離世，但她一直保持低調以免影響演出，「頭幾場喊到好激動，但盡量抑壓情緒，當爸爸去咗旅行，呢20場我都覺得佢喺度守護我，聽日開始會幫爸爸做啲嘢。」