飛峇里度假狂歎美食　溫碧霞：仲瘦咗

學校暑假即將結束，溫碧霞(Irene)趁此之前最後一擊陪伴囝囝及老公飛到峇里度假，由於之前接了很多工作及要錄音，公司不許放太久，因此Irene一家只玩了大概一星期，她笑言：「一星期眨下眼好快過去，開心時間過得特別快，不過好過冇喇。」

度假期間，一家三口不停歎美食又不停四處遊玩，問她肥了多少磅返港？她得戚笑說：「冇喎，唔單止冇肥，反而仲瘦咗，因為每日運動好大，我地日日游水、踩單車、打乒乓波又做瑜珈，健康咗又瘦咗，峇里d嘢食真係好好味，我地唔係玩就係食，好彩運動量大咋。（瘦咗幾多磅？）冇刻意磅呀，最開心係肌肉結實咗。」

問到有沒有想過在當地開辦餐館？Irene坦言曾經有當地開餐廳的朋友也建議過，對方做得十分成功，但她考慮了一陣就打消了念頭：「我驚冇時間打理，暫時仲未係時機，不過可能過幾年我會考慮，我都好有興趣在峇里開一間望海又有格調又浪漫，可以畀大家好舒服咁歎美食既餐廳。」