溫碧霞拒與羅霖比較：每個女仔都有自己優點同美感

52歲的溫碧霞（Irene）本月推出名為《海潮》的寫真集，日前她接受香港開電視節目訪問，分享遠赴塞班島拍攝的點滴，Irene表示：「我同海好似分唔開，細個喺調景嶺長大，都係望海，加上自己想揀個未去過嘅地方，所以決定去塞班島拍攝！」

Irene與羅霖皆有「美魔女」之稱，今年兩人同期出寫真，被問到會否怕外界作出比較，Irene謂：「第一，我從來都唔係好同人比較，因為我覺得每個女仔都有自己優點同美感。第二，我覺得最緊要啲相影出嚟，可以留低你喺呢個時刻最靚嘅一面！」

而工作以外，Irene與老公何祖光非常恩愛，不時在社交網站放閃，Irene更大讚老公浪漫：「佢會成日諗啲地方帶我去玩，好識得氹我開心！同埋佢會鍾意帶我去睇日落、踩單車，會做好多女仔好鍾意嘅嘢！」