汪明荃作客《#後生仔》介紹粵劇 冇人敢問阿姐私生活

汪明荃（阿姐）獲邀擔任《#後生仔傾吓偈》節目嘉賓進行錄影，阿姐節目中跟眾後生仔介紹及示範粵劇精髓，順道宣傳9月公演的粵劇《德齡與慈禧》。席上後生仔均稱有現場看過粵劇，阿姐謂已邀請他們去看該劇公演。對節目言論大膽沒底線，不時會大講有味笑話。阿姐笑說：「又無喎！今日佢哋係乖啲嘅。」
阿姐帶同粵劇界新人梁心怡（Angel）示範粵劇做手，Angel跟麥明詩及馮盈盈同是港大學生，更跟麥明詩是中學同學，還大爆對方一路以來都很多追求者。
麥明詩跟馮盈盈穿上水袖接受訪問，馮盈盈笑言她們可組成「青山粵劇團」，但麥明詩即場拒絕。馮盈盈被阿姐大讚有潛質，因她的嗓子響亮，仲即場大展歌喉。提到阿姐指他們收斂很多，麥明詩笑說：「我有提議班後生仔問阿姐嘅私生活，不過佢哋冇問到。」對被舊同學Angel大爆她追求者不斷，麥明詩笑說：「我中學時間都係圖書館讀書。睇我當時張相都知啦，要Fact Check一下。」