胡定欣親身上陣碌落沙漠 譚俊彥幫囡囡搵男友嫌張振朗樣衰

無綫劇集《包青天再起風雲》舉行「接班人。大招募」宣傳活動。主要演員譚俊彥、曹永廉、胡定欣、姚子羚及張國強等均有出席。

席間，眾演員跟小小接班人大玩氣球問答遊戲，胡定欣被快吹爆的氣球嚇得大呼小叫。定欣直認害怕，但為了宣傳都要出心出力。她透露氣球爆裂時被擦損，幸好沒有傷及臉孔，她笑說：「有得揀，梗係唔玩啦！」

譚俊彥提到女兒大讚現場一位「小接班人」靚仔，他笑說：「我終於知道聯絡邊個，原來我識佢爸爸。（咁快幫個女搵男友？）我都要培養下佢點睇靚仔。如果佢暗戀張振朗我會驚，有幾次囡囡都話要見佢，佢同何廣沛已經列入黑名單。」

胡定欣則憶述劇中滾落沙漠一幕，她笑說：「依定諗返起，可能係坐得太悶，所以自己親身上陣。」她說演員往往都有挑戰自己的心態，還記得正式拍攝前，千叮萬囑攝影師要拍攝她的大頭，最終順利一次過拍攝完成。