受梁舜燕影響很多 汪明荃：佢家庭同事業都非常成功

無线節目《娛樂大家》前晚進行錄影，日前梁舜燕（Lily姐）於香港佛教醫院病逝，享年90歲。汪明荃坦言感到很突然，因上個禮拜得知Lily姐入院，仍未及聯絡其家人。

阿姐提到1967加入麗的電視班培訓，當時Lily姐已經是大明星，更有『麗的三花』之稱。她說：「當時Lily姐有報導新聞，係播音員，話劇演員亦係扮靚專家。大家都視佢為偶像，覺得佢好叻，而且每次出來都打扮得大方斯文。」阿姐提到近日亦傳出夏萍姐離開，兩位很尊敬的前輩相繼離開，為此感到十分難過，更是大家的損失。

汪明荃坦言多年來，的確受到Lily姐很多影響，例如待人接物，儀態及打扮。阿姐說：「Lily姐很敬業樂業。拍劇大家都要捱通宵，不顧儀態宵瞓梳化。但佢唔會，都係保持自己一貫作風。」阿姐大讚Lily姐家庭跟事業都非常成功，相信會聯絡其家人送上慰問。若時間許可，必定會出席她的告別儀式。