王梓軒謝票巧遇羅仲謙 互相為對方打氣

王梓軒為宣傳其有份配音的動畫電影到九龍灣出席宣傳活動，即場教小朋友跳舞及玩遊戲，場面熱鬧。與小朋友打成一片的王梓軒表示：「之前都試過與兒童慈善機構合作，但在遊樂場一齊玩就係第一次！玩完波波池又玩爭櫈仔，好興奮！今日除咗小朋友，大朋友都有一齊玩。」

問會否怕小朋友難搞？王梓軒說：「少少啦，其實他們每一位都好乖，我到現在都仲有玩波波池！見到第一次接觸這類遊戲的朋友仔，我覺得好好笑，因為他們沒有概念，係感受到他們好純真的快樂。我玩爭櫈仔好叻，因為我通常都會注意播音樂的人，見他差不多動手我就搵定位！」王梓軒又指優先場反應很好，因為題材老少咸宜，接近正式上映，希望一家大細入場支持。

而王梓軒到銅鑼灣謝票時，更撞見正準備為《小Q》謝票的羅仲謙，二人識英雄重英雄互相為對方打氣。