袁富華承諾收視好公開泳照 李麗珍決定追隨：水著冇問題

李麗珍、陳國邦、廖碧兒、袁富華日前為ViuTV處境劇《娛樂風雲》趕工，袁富華（Ben）謂想劇集有好成績，現正等監製話收視好，他就會公開泳裝照答謝觀眾，並承諾一定會找數。
珍妹也謂會效法Ben哥公開泳照多謝Fans，不過她現正專注角色轉變，因為初出場要捱世界，希望劇情去到後半段，可以捱出頭好好享受富貴生活。珍妹說：「我泳照就一定冇問題啦！依家我都叫朋友一定要睇，唔好到我出場時，唔知前文後理。依家都拍咗一半，都好關心仲有幾多集要拍，其實劇組好就我時間，知道我拍得長時間，第二日都會畀我開晏少少抖一抖。」
陳國邦就沒理觀眾反應，專心做好演員的崗位，他笑指角色造型雖然比較浮誇，幸未有嚇怕囡囡陳禛。他說：「以前拍古裝、成身血造型，試過收工直接返屋企，佢都見過晒好習慣，知道我同太太係表演事業，所以咩樣係佢面前，都唔會有咩驚奇。」
廖碧兒為讀書和拍劇兩邊走，每3天往返香港、加拿大，但否認片酬豐厚，說：「依家機票錢係貴過片酬。（有冇校園戀愛史發生？）我平時返學都唔化妝，嗰邊啲同學以為我26歲咋，真係好開心，呢個係中國人好處，佢哋唔識睇我哋幾多歲。」