開騷賀入行20年 恭碩良感觸：要信自己的指南針

音樂人恭碩良（Jun）入行20周年演唱會昨晚在旺角演出，捧場客包括林德信、周國賢、陳蕾、衛蘭、郭偉亮等，女友林憶蓮則未見蹤影。Jun整晚唱足24首歌，開場唱了兩首歌後便感謝台下的「家人」一年一度地支持他，Jun又表示好希望大家能享受這個騷：「各位型男、美女，希望大家享受呢一刻，兩個半小時的演出，可能再多少少！出面的事就留在出面，在場的是一家人！」

唱到中段，Jun指演唱會撞正颱風韋帕，笑說：「講到受颱風影響，我係第3次撞正颱風，記得兩年前仲係10號波！昨日打風暫停一天綵排，搞到所有安排都好急。你見我在後面打鼓好似好得戚？其實我企到前面就好似著住底褲望住你咁！」唱到一半，Jun又打趣問台下樂迷說：「有冇人買了明天的飛？嘩，真係好好Feel，得3個（舉手）！」唱到《好去處》時，Jun又呼籲歌迷齊齊企起身「幫助消化」，全場High爆，唱到《喺你嗰度》他又走到後排位置打鼓，令樂迷尖叫。

到尾聲時，Jun突然感觸良多，以「瘋狂」形容自己的音樂路，邁向出道21年，他又搞笑指自己的作品終於要「成年（21歲）」，又說：「唔聽指南針講人生會好快過，搞到冇乜意思，但我寧願行錯路，所幸我冇穿冇爛，所以要信自己的指南針，要信直覺。」然後Jun便在二胡伴奏下唱出《Believe》。