劇集有恐怖懸疑元素　張穎康：女兒驚要攬住人睇

張穎康到將軍澳出席《十二傳說》宣傳活動，劇集有恐怖懸疑元素，問到會否讓女兒小豆看他演出？阿康笑言：「佢唔敢睇呀，播之前話唔驚、會睇，點知怕到要攬住人睇，現在聽到音樂便會驚，又問劇中角色是否死咗，我話嗰啲係演員，爸爸可以幫你打電話問佢哋架，佢又話唔使，但怕到第二朝發惡夢。」阿康笑指小豆聽到劇集音樂時便會乖乖做功課，以前與羅蘭姐合作《一屋老友記》時，小豆已很怕「羅蘭婆婆」。

問到暑假會否計劃旅行？阿康指早前去美國旅行一個月，而回港中途在日本玩幾日是最痛苦的，他說：「美國自駕算很方便，在日本坐地鐵，前面揹住囝囝，後面揹背包又要拖住小豆，若果再去旅行，會去舒服點的地方，但小豆都要準備小學面試，最多只可以去四日短程。希望小朋友快快長大，放我同太太去玩便不會太辛苦。」