黃祥興嘆住紅酒 同老婆食燭光晚餐慶銅婚

去年為慶祝今年40歲更改了新名黃致豪，月前又再改回黃祥興（前藝名：黃長興），仲叫人記得係祥和個祥，佢話一來好多朋友都改唔到口，二來相士話個「長」字同佢唔係好夾，所以決定改返做黃祥興，但就由「長」改為「祥」。

育有一對仔女的黃祥興，原來噚日同太太Peggy結婚7周年，佢係社交網上載嘆住紅酒，同老婆食燭光晚餐的相，留言話：「愉快的結婚7周年紀念日！每天繼續相愛和理解彼此……」聽到都覺得甜。

兩人不但笑容一致，仲齊齊著黑衫親到絕。獲不少網民留言祝佢地兩人結婚7周年快樂。