《沉默的證人》張家輝要扮唔識打「硬食」 任賢齊戥佢痛

籌備兩年，寰亞電影《沉默的證人》即將在暑假上映，近日多款電影海報陸續曝光。

家輝與小齊於14 年前拍《大事件》時合作，這次首度合作。任賢齊（小齊）於戲中飾演悍匪，戴住聖誕老人面具手揸住槍，而張家輝就穿上醫生白袍手執手術刀，兩人在殮房困獸鬥。家輝揚言今次電影非常考他演技，事關他本人「太好打」卻要為了角色隱藏實力，十級難度。他說：「戲中我飾演一個斯斯文文嘅法醫，唔識打交，理應捱打唔識還手，但拍攝時唔覺意使出《激戰》真功夫，下意識嘅自然反應，最好導演 提醒要我好好隱藏，唔可以俾觀眾發現我食過夜粥。」

小齊就說：「戲中我係受過專業訓練，好打得，但家輝係斯文人只會打爛仔交，即係單憑本能反應擋拳、迴避或者掟嘢，例如玻璃樽、滅火器。家輝好體貼和好有經驗，知道邊個角度打落嚟唔會真 『爆缸』。相反，因為佢個角色唔識打交，反而要『硬食』，雖然做咗安全措施，但睇到都戥佢痛。」

小齊又話，今次合作感覺都幾特別，導演預先畫好晒 Story board，分鏡分得好仔細，每一個情緒、動作都會事前好詳細解說。家輝亦指今次用外國人導演、外國人思想放喺香港電影，很有新鮮感！