劉小慧48歲生日 蘇志威送雜菜花冧老婆

禮物無分貴賤，最緊要有心思！噚日係劉小慧生日，出名是愛妻號的蘇志威，就送上另類生日花束—雜菜花，一樣冧到老婆暈！

劉小慧48歲生日，在社交網留言話：今年嘅生日過得特別快樂🎂，因為今年有了新嘅方向，努力地經營自己嘅社交媒體，身邊多咗每一個嘅你哋陪我過。祝願各位更開心、更快樂、簡簡單單、健健康康過每一天。」見佢捧住個寫住「得閒修女」的生日蛋糕，仲嘟起個嘴，嘩！點睇都唔似48歲，仲好少女心喎！

而老公蘇老闆當然識做啦，送左一束雜菜花俾老婆，喺社交網得戚留言：「我就知道，老婆收雜菜花， 一定開心過收真花！送完花，我聽日仲有羅宋湯飲。」俾網民大讚佢醒目，開心又實際！