擔心著衫揀錯顏色會被打 黃夏蕙：揀錯色就等於生死一線

早前元朗有白衣人分別在元朗街頭和港鐵站內圍毆市民，集中襲擊當天遊行完的身穿黑衣市民，令不少港人心有餘悸。被網民封為「夏蕙BB」的黃夏蕙雖然身在美國登台，但她一直都有關心時事，亦不時會公開發聲，敢怒敢言。黃夏蕙在社交網站發文，提到她即將獨自回港，擔心穿著衣服的顏色和人生安全問題。

黃夏蕙在facebook發文，指自己於下月3日傍晚6時返港，不過她對於衣服的顏色和個人安全就非常擔憂，請教網民穿衣要選擇甚麼顏色，「各位，我好亂！幫下我決定著乜鬼衫返香港。係咁架，我決定8月3日黃昏6點一個人返香港.....但係而家係香港地，著衫D顏色配搭都好大件事，揀錯色就等於生死一線，黃同藍就已經唔著得啦！依家黑同白又唔著得！」她續說若果說她怕死，可以讓老公潘Sir陪同她一起回港，不過她竟然語出驚人，「你地就知啦！佢舊陣時係做差佬，點信得過呀.....所以我有個提議，黑底白花嘅衫，應該安全啦！係唔係？」

她續說希望社會盡快變回和平的地方，「其實您地應該知道我講乜！更加知道良知同人性嘅分別！依家唔係60年代呀，若要人不知，唔好太白痴，好唔好？快D將香港變番和平福地，等我返得安心D。仲有，Lee個期間唔咳唔好再係任何群組，上崗上線咁轉發任何一方嘅短片同聲音呀！我係老人家，只係想世界和平，開開心心！無興趣火上加油！咪X再搞X我部電話呀！哈哈！講完舒服哂，8月3日香港再見大家！」