蘭桂坊拍劇賣醉 連詩雅遇真醉酒佬搭訕

由連詩雅 ( Shiga )、雨僑（Ava）、孫耀威等主演的話題網劇《性敢中環》，最後一集講述當代男女的情慾交纏，女性友誼中的愛恨交織，以及職場女性所面對的樂與怒。

內容講到雨僑明知孫耀威是 Shiga 暗戀了10多年的對象，但都照背著好姊妹偷錫他，兩人更為此吵大鑊，雖然只拍了兩 take，但 Ava 指﹕「好似耗盡晒所有能量一樣！」而 Shiga 則為培養情緒，拍攝前自己一個人匿埋，「搞到現場所有人以為我嬲咗，之後要同在場所有人解釋返，我拍激動喊戲之前，都要自己一個匿埋培養情緒先可以進入狀態。」

雨僑指自己現實中亦遭遇過與劇中差不多的橋段，「中學時期都有試過與自己最好的朋友喜歡上同一個人，最後個男仔更揀了她，但現在我們三個仍有聯絡，亦各自結了婚，所以其實是人生其中一課來的。」

吵完大鑊後，講到 Shiga 到蘭桂坊賣醉，期間更被沿途醉酒佬誤當真醉搭訕，「我記得拍攝嘅時候好熱，焗到有啲暈，同埋有啲人啱啱 happy hour 完有點醉意，以為我真係醉咗走埋嚟想傾計，好彩工作人員解釋返俾佢聽我哋係拍緊戲，佢先肯離開。」