邀盧巧音合唱《喜歡戀愛》 鄭秀文：早年愛情空窗期時常聽這首歌

鄭秀文（Sammi）昨晚在紅館舉行「＃FollowMi 世界巡迴演唱會2019 香港站」第7場演出，導演麥兆輝、谷德昭、廖碧兒、溫碧霞和何超蓮等好友捧場，而Sammi邀請了同樣熱愛跑步，而且是中學師妹盧巧音（Candy）擔任表演嘉賓。二人同場合唱Candy歌曲《喜歡戀愛》，Sammi透露早年愛情空窗期時候常聽這首歌，渴望戀愛。她說：「歌曲就有呢種魔力，有療癒作用，每個人嘅人生都可以搵到一啲歌曲過度生命每個階段。」之後Candy獨唱《好心分手》，全場大合唱令她好感動。

感性過後，Sammi變身Rock妹獻出第一次，她說：「有一種音樂我從未喺紅館試過，就係Heavy Metal，即係Rock’n Roll never die 嗰啲，未試過搬上紅館演出。今次最特別係請嚟重金屬樂隊『鐵樹蘭』，真係純Heavy Metal 嗰種，同我一齊演出。我哋最近有首新歌，我好鍾意個歌名，呢個世界任何角落，每一個人心入面，都好需要呢幾個字……《Power Of Love》！」全場突然變成搖滾區，Sammi與主音Sunny瘋狂搖頭吶喊，她更上台打鼓打到飛甩鼓棍，High到爆，觀眾都嗌到聲口嘶力竭。

Encore環節，Sammi唱出演唱會主題曲《我們都是這樣長大的》，並籍著這歌曲鼓勵歌迷：「其實人生挫折並唔重要，因為都會過去，更緊要喺呢啲人生經歷裏面能夠有更好嘅成長。」