有計劃追生女 胡杏兒爆細仔好大食：每日都要泵奶

6月中誕下幼子李奕霖（Ryan）後，胡杏兒今日首度出席公開活動，身穿闊身黃色外套現身的她，相信仍未成功修身，故遮掩臃腫身形。
杏兒直言還有10磅才達標，雖然有贊助修身，但最近經常留在家中，未有時間去做機。她透露Ryan出世時7.8磅，相比長子李奕霆（Brendan）肥1磅，又笑指細仔好大食，自覺似製奶機器，每日也泵奶。她說：「細仔好鍾意食同瞓，大仔就斯文啲，細仔猴擒啲，當肚餓就大嗌成間屋都聽到。」可會追生多個女兒？杏兒直言有這個計劃，但要視乎能否應付照顧兩位兒子。提到陳茵媺育有兩子一女也照顧得妥當，她說：「佢係super mom，真係好勁！都要問下佢拎貼士。」
大仔Brendan可有呷醋？杏兒笑謂哥哥成日想抱細佬，但突然會醒起要呷醋，她覺得這個畫面幾得意。問到老公李乘德可有獎勵？杏兒表示未有，她也沒有要求，不過老公曾問她想去那裏玩？她也覺得在家坐月一個月好悶，正計劃旅行地方。她又謂「胡說八道」的一班好姊妹自動自覺再做Ryan契媽，已送上金器祝賀。
對於會否全面復工？杏兒坦言未能拍劇，皆因仍要餵奶，除非在港拍，所以暫專注做餵奶機器。她說：「8月底會去美國登台，生第二個好啲唔會唔捨得，生第一個仔真係成年無出埠。」