胡杏兒分享孕媽日記 見美食嘩嘩聲：「我的天堂呀！」

正佗着第2胎將於7月「卸貨」的胡杏兒，喺微博上載影片，分享佢嘅孕媽日記，帶大家行超市，睇到美食當前，仲忍唔住嘩嘩聲話：「這是我的天堂呀！」。

腹大便便的杏兒，見佢推住購物車，邊行邊介紹，一開始就用國語自我介紹：「大家好，我是杏兒，是『孕媽小胡的Vlog』，我是非常喜歡逛超市，一有時間就會行，作為孕婦，會多揀一些新鮮、健康及有機嘅食物」。

只見杏兒向生果進發，見到架上擺滿士多啤梨，即時忍唔住嘩一聲，跟住就話兒子最鍾意食佢，自己也喜愛，然後拿起一盒巨峰提子，指是自己最愛。其後繼續行至熟食區，只聽到佢嘩嘩聲：「這是我的天堂呀！」

看到麵包，又話自己好鍾食，不過，最後乜都無買，以為杏兒好忍得，點知原來佢話等拍完片才去掃貨！仲叫人猜猜最後她買了什麼？