容祖兒抱病拍MV 張敬軒不敢拖慢進度：等佢可以快點休息

容祖兒與張敬軒再度合作，推出新歌《Feel The Heat》，MV昨晚首播，鏡頭前祖兒及軒仔大跳勁舞，型格十足。不過鏡頭後的祖兒於拍攝當日其實帶病上陣，「拍mv嗰日，就係之前病到失聲嗰段時間，拍攝當日食咗藥所以都有小小暈㗎，但係導演都安排咗個風涼水冷嘅地方拍攝，拍得好順利。」

雖然身體有點不適，但祖兒話好彩有軒仔在旁，為她提供不少歡樂兼提神。問到祖兒覺得軒仔舞技如何？祖兒笑說：「其實佢係跳得㗎。」又大讚軒仔在現場不停練習舞步，十分「長進」，有冇過幾招俾軒仔？祖兒就話：「唔駛啦，佢已經跳出自己嘅一種『韻味』啦。」

至於甚少勁歌熱舞的軒仔坦言又唱又跳並不簡單，眼見祖兒當日抱恙上陣都沒有影響狀態，自己都不可怠慢，現場一有空檔都會練習舞步，希望不要拖慢進度，讓祖兒快點放工休息，十分貼心。MV中見軒仔跳得有板有眼，問到他有沒有一些跳舞竅門可分享，「正所謂輸人唔輸陣，最緊要擺甫士。」