否認同楊政龍姊弟戀 容祖兒：今日無將來都唔會呀

39歲容祖兒被爆跟老闆楊受成的33歲幼子楊政龍秘戀4個月，二人過往各自在ig不時上載合照，關係確非比㝷常。經理人霍汶希已代為否認戀情，祖兒昨晚再上載二人搞鬼合照，留言：「由細睇到佢大 👦🏻➡️👨🏻 係 一齊滑水滑雪🏄🏻‍♂️⛷🏂 係 FRIEND 過打 band 絕對係 之但係..... 日久生情 呢單嘢就 <<<< 真係無！>>>😂😂 仲要係今日無 將來都唔會呀🤪」。
祖兒斬釘截鐵否認：「當我尋（噚）日睇到呢條題 我直情笑到噴左（咗）幾條泡菜出來 啲相係就係影得friend左（咗）啲 但係就真係因為冇嘢唔samhui 先會同大家分享呀嘛 明唔明啫」；她繼續解釋：「最近閉關見唔到記者朋友們 我唯有破例澄清一次 正所謂唔好阻住啲後生做正經嘢😉 #都唔好阻住我啦 #有女朋友咖啦 #幾唔錯添咖 #楊仔我識唔識做先 #唔該嗱嗱聲同我close左個file添呀我話你地聽 🤣🤣」。
好姊妹蔡卓妍（阿Sa）留言笑稱：「呢單新聞睇到我⋯想嘔呀😖🤣🤣🤣🤣」；但鄭希怡卻謂：「幾⋯ 襯呀😏」，連袁詠儀都來搭嘴：「其實都幾👌🏼呀😂」。