【有計畫再生B】自爆平日打扮師奶 林芊妤：若太性感好快就會生多個

林芊妤（Coffee）與沈卓盈及王麗嘉到中環行內衣騷，她的睡衣造型相對密實，問會否覺得遜色？她說：「我都唔知大家著到咁，都好靚，我這身是自己襯的，覺得比較型。」

已是人母的Coffee自覺一身性感衣著有點奇怪，直言好怕被老公罵，因老公尚未過目，但對她的工作不會干涉太多。問到何不與老公一齊揀？她笑言：「是我工人姐姐幫手揀的，我同佢都幾close，有時襯衫佢會幫幫眼，佢啲評價都好直接，會直接講邊件唔靚。」

問老公對其內衣可有喜好？Coffee自言在家中經常是師奶造型，坦言婚後已沒有太多情趣，問可會怕老公嫌悶才「知驚」，她又笑言：「其實又唔使（咁性感）住，因為湊仔真的好攰，冇時間，若果太性感，好快便會生多個。（有計劃嗎？）講笑，但真係有計劃，會順其自然。」受訪後Coffee便表示現場好熱，便脫下外衣展現其吊帶睡衣造型。