做咗阿媽著超短校服裙感羞恥 林芊妤爆老公睇完相…

林芊妤（Coffee）及簡幗儀（Lilian）為到ViuTV節目《晚吹：女學生．吹水班》擔任嘉賓，二人均穿上超短校服亮相。Coffee 笑說：「做咗媽媽著校服，著上身先覺得好羞恥。（老公點睇？）剛剛我影張相畀佢睇，佢話『What！For Japanese Guys?』因為條裙真係超短。」
問到中學時期是否風頭躉？Coffee坦言要看女同學質素，笑說：「我讀過3間中學，如果同學多靚女，自己變得好卑微。」
Coffee笑言做了媽媽有點沒記性，拍攝期間才勾起不少回憶，還記得曾離家出走。她說：「爸爸係福建人，好大男人，管教得好嚴，覺得女人係要三從四德。當時我要打籃球定打決賽，佢就覺得女仔係彈鋼琴，我離家出走去朋友屋企，朋友個媽咪都叫我住幾日嚇吓佢。」現在身為人母，她表示不會對兒子體罰，因為知道小朋友會愈打愈走。（攝影：譚志光）