繼續做投行已可半退休 王梓軒:轉行無行錯路

王梓軒應新城電台邀請，出席「邁向必buy人生路」活動，與啤梨一起向數百名中學生分享人生。王梓軒說：「講你都唔信，我第一份工係做投資銀行，仲要係大行，如果我繼續做，而家應該係半退休狀態。每個人都有啲嘢想做，但未必夠膽做，但其實都有粒種子喺心裏面，目標未必係咁快達到唔緊要，學吓、體驗吓另一種生活，或者會更肯定自己的志願。」

王梓軒談到早前演出音樂劇《利瑪竇》，更令他堅信自己沒有行錯冤枉路。他說：「如果我無演過戲、無做過綜藝節目，無咁多質疑嘅年月，呢個角色我根本無可能演到。」他為同學們打氣，之後還即席獻唱新歌《安全著陸》，獲得全場掌聲。